April 16/2010 (JMC)
San Dirgo

Marwada madaxwynaha Mareekinka Michelle Obama oo boqosho ku maraysay magaalada San Diego, ee cariga Mareekinka ayaa booqasho ku tagtay goob dhul beereed ah, oo ay beertaan qaar ka tirsan Soomaalida ku dhaqan San Diego, gaar ahaan qowmiyada Somali bantu oo halkaasi ka sameystay beero yaryar, si ay halkaasi uga sii wadaan wax soo saarkoodii dhanka beeraha.

Marwada Madaxweynaha Michelle Obama ayaa waxaa goobtaasi caleemo qooyan ugu soo dhoweesay Qadiija Muusema oo ka mid aheyd Somalida bantuga goobtaasi ka sameystay beeraha, Michelle Obama ayaa isku duubtay Qadiija Musama, salaan kadib, qadiija waxay uga warbixisay, wax soo saarkooda, iyo sida ay Somali bantuga ugu hami weynyihiin inay ka qeybqaataan wax soo saarka dalka, hadii ay helaan fursado u suurta geliso inaay ka qeybqaataan horumarinta iyo wax soo saarka dalkan Mareekinka.

Waxaa kaloo ay marwada madaxweynaha Michelle Obama goobtaasi kula kulantay Bilaal Munya, oo isagana ka soo jeedo Soomali Bantu, isagoo u turjumayeyey Qadiija Muuema marka ay warbixinta siinaysay Michell.

Michelle ayaa aad ula dhacday, dadaalka ay sameynayaa dadkaan beralaydaha oo danyarta ah, oo mudada gaaban dalka joogay.

Jiimonet Media Center

****************